Clinic app: addang iti addang

Dr. Asterio G. Saquing Jr. Medical Center — Bambang, Nueva Vizcaya

Dagiti ladawan ditoy ket naggapu iti practice copy ti app, isu a saan a pudno a pasiente dagiti nagan ken presyo nga makitam. Dagiti buton iti app ket Ingles — isu nga imbatimi ida nga Ingles ditoy tapno agpada iti makitam iti iskrin.

Panagserrek (sign in) amin

  1. Luktan ti app.saquingmedical.com sa pinduten ti naganmo.
    Panid ti panagserrek nga aglista kadagiti nagan ti tignay
    Ti bukodmo a nagan laeng. Saanmo nga usaren ti nagan ti sabali.
  2. Umuna a daras: agaramidka iti PIN.

    4 agingga 8 a numero, isuratmo a mamindua. Sika laeng ti makaammo iti PIN mo. Iti sumaruno, ti naganmo ken ti PIN ti usarem.

1. Dumteng ti pasiente front desk

  1. Birukem ti pasiente.

    Pinduten ti Patients sa isurat ti paset ti nagan, ti Pat No, wenno ti numero ti telepono. Kitaem ti petsa ti pannakayanak sakbay nga agpili — adu ti agpada ti nagan.

    Listaan dagiti pasiente nga adda pagbirukan
    Baro a pasiente? Pinduten ti + New patient. Ti app ti mangted iti Pat No — saanka nga agimbento.
  2. Luktan ti pasiente sa pinduten ti New visit.
    Panid ti pasiente: detalye, napalabas a bisita, ken buton a New visit
    Ti panid ti pasiente: detalye, napalabas a bisita, ken ti paperclip para kadagiti ladawan.
  3. Isurat ti reklamo, sa pinduten ti Save.

    Isurat no ania ti ibaga ti pasiente — "Uyek ken gurigor iti tallo nga aldaw". Ti diagnosis ket trabaho ti doktor.

    Panid ti bisita nga adda naisurat a reklamo
    Kalpasanna, ibagam iti nars a nakasagana ti pasiente.

2. Vitals nars

  1. Luktan ti Today's visits sa pinduten ti pasiente.
  2. Punnuen dagiti vitals.

    Blood pressure kas 120/80. Temperatura iti °C, timbang iti kg. Ibatim a blangko no saanmo a naala.

    Napunno a vitals: blood pressure, temperatura, timbang ken pulse
    No adda ibaga ti pasiente nga allergy, inayonmo met iti detalye ti pasiente — saan laeng ditoy iti bisita.
  3. Pinduten ti Save & send to doctor.

    Daytoy ti mangikabil iti pasiente iti listaan ti doktor. Ti Save laeng, saanna nga ibaon.

    Buton a Save and send to doctor iti ngato ti Cancel
    Ti berde a buton ti kanayon a sumaruno nga addang.

3. Konsulta doktor

  1. Luktan ti Waiting for doctor.

    Ti kabayagan nga aguray ti umuna, agraman ti reklamo, edad, sekso ken allergy.

    Listaan dagiti aguray iti doktor ken no kasano kabayag ti panagurayda
    Pinduten ti pasiente tapno mangrugi.
  2. Basaem ti Previous visit iti kannawan, sa isurat ti note ken ti diagnosis.
    Naisurat a note ken diagnosis, adda iti kannawan ti napalabas a bisita
    Pinduten ti Full history para iti amin, agraman dagiti rekord manipud iti daan a sistema.
  3. Inayon dagiti agas.

    Isurat ti sumagmamano a letra sa agpili iti stock ti klinika. Dispensed = naited ditoy klinika, mapan iti resibo ken mabawas iti stock. Prescribed only = gumatang ti pasiente iti ruar.

    Panagbiruk iti agas manipud iti stock ti klinika
    Ikabilmo ti dose, ti kaadu iti maysa nga aldaw, ken mano nga aldaw.
  4. Ikabil ti follow-up date no masapul nga agsubli ti pasiente.

    Inayon ti ababa a rason: "recheck lungs", "BP check". Agparang daytoy iti Follow-ups due tapno matawagan ida ti front desk.

  5. Pinduten ti Save & send to checkout.

4. Bayad front desk

  1. Luktan ti Checkout sa pinduten ti Collect payment.
    Listaan ti checkout: dagiti nalpas ti doktor
    Adda ditoy amin a pasiente a nalpas ti doktor.
  2. Kitaem dagiti singir ken ti diskuento.

    Professional fee, dagiti agas a naited, ken dadduma pay. Agnayon babaen ti "Add medicine, service or item". Senior citizen ken PWD ket 20% — isurat ti numero ti ID iti kahon.

    Panid ti checkout nga adda singir, diskuento ken total
    Zero dagiti presyo iti daytoy a ladawan gapu ta practice copy.
  3. Awaten ti kuarta, sa pinduten ti Save & send receipt to Zoho.

    Maaramid ti resibo idiay Zoho Books, bumaba ti stock, ken mailista ti kuarta iti Cash on Hand - Clinic. Kitaem nga umuna ti total a kaduam ti pasiente sakbay a pinduten.

Ladawan ken papeles amin

  1. Pinduten ti paperclip iti ngato ti panid ti pasiente.
    Naluktan a panel dagiti file, adda buton a Add photo
    Ti numero iti abay ti paperclip ket ti bilang dagiti file ti pasiente.
  2. Pinduten ti + Add photo, alaem ti ladawan — agsave met laeng.

    Mailista kas scanned record. Para iti lab result wenno referral, usaren ti "Add with type or note".

  3. Di umiso a file? Pinduten ti ⋯ iti abayna, sa Delete file.

    Agdamag pay ti app sakbay a mapukaw.

No adda biddut amin

Di umiso a pasiente — nagluktak iti bisita iti di umiso a tao Iti bisita: More → Wrong patient? Cancel this visit, sa agpili iti rason. Agtalinaed iti rekord a nakamarka a cancelled ken saan a mabalin a masingir.
Napan iti checkout ngem saan pay a nalpas ti doktor More → Not finished? Reopen this visit.
Nagsuratak iti di umiso a kahon Cancel - don't save: ti insuratmo laeng ti mapukaw. Ti bisita agtalinaed a kas idi.
Nakasaveak iti biddut Aturem sa isave manen. Ti daan a surat agtalinaed iti history — awan ti mapukaw.
Napugsat ti internet bayat ti panagsuratko Naidulin ti insuratmo iti dayta a device. Luktam manen ti isu met laeng a bisita iti isu met laeng a device sa isave.
Kuna ti resibo a failed Baybay-am. Padasen manen ti app kada oras, ken saan a mamindua ti resibo iti maysa a bisita.
Nalipatak ti PIN ko Ibagam iti admin tapno ma-reset, sa agaramidka iti baro inton sumrekka.
Laglagipen Saanmo nga ibingay ti sign-in mo. Saanmo a burasen ti pasiente wenno bisita — cancel-em nga adda rason. No saanka a sigurado a maymaysa a pasiente, agaramidka iti baro a rekord. Dagiti rekord ti pasiente agtalinaed iti uneg ti klinika: awan ti screenshot a mapan iti chat group.